Mignonne, allons voir si la rose

de Pierre de Ronsard

Qui ce matin avoit desclose
Sa robe de pourpre au Soleil,
A point perdu ceste vesprée
Les plis de sa robe pourprée,
Et son teint au vostre pareil.

Las ! voyez comme en peu d'espace,
Mignonne, elle a dessus la place
Las ! las ses beautez laissé cheoir !
Ô vrayment marastre Nature,
Puis qu'une telle fleur ne dure
Que du matin jusques au soir !

Donc, si vous me croyez, mignonne,
Tandis que vostre âge fleuronne
En sa plus verte nouveauté,
Cueillez, cueillez vostre jeunesse :
Comme à ceste fleur la vieillesse
Fera ternir vostre beauté.

❧

Pour prolonger la lecture

Une sélection de poèmes choisis pour leur proximité de ton, de thème ou de voix.

Soirs (II) Albert Samain Mort Temps Beauté Comme on voit sur la branche Pierre de Ronsard Mort Nature Beauté La bouture René-François Sully Prudhomme Mort Temps Beauté

Se laisser surprendre Laissez le hasard choisir un poème.

Explorez par affinité de thèmes, d’émotions, d’époque et de mouvement

❧