Tant de fois s'appointer, tant de fois se fascher

de Pierre de Ronsard

Tant de fois rompre ensemble et puis se renoüer,
Tantost blasmer Amour et tantost le loüer,
Tant de fois se fuyr, tant de fois se chercher,

Tant de fois se monstrer, tant de fois se cacher,
Tantost se mettre au joug, tantost le secouer,
Advouer sa promesse et la desadvouer,
Sont signes que l'Amour de pres nous vient toucher.

L'inconstance amoureuse est marque d'amitié.
Si donc tout à la fois avoir haine et pitié,
Jurer, se parjurer, sermens faicts et desfaicts,

Esperer son espoir, confort sans reconfort
Sont vrais signes d'amour, nous entr'aimons bien fort,
Car nous avons tousjours ou la guerre, ou la paix.

❧

Pour prolonger la lecture

Une sélection de poèmes choisis pour leur proximité de ton, de thème ou de voix.

Si onques de pitié ton âme fut atteinte Joachim Du Bellay Amour Mélancolie Condition humaine Ceux qui sont amoureux, leurs amours chanteront Joachim Du Bellay Amour Condition humaine Tristesse Marie, baisez-moi ; non, ne me baisez pas Pierre de Ronsard Amour Mort Condition humaine

Se laisser surprendre Laissez le hasard choisir un poème.

Explorez par affinité de thèmes, d’émotions, d’époque et de mouvement

❧