Il ne falloit, Maistresse, autres tablettes

de Pierre de Ronsard

Pour vous graver, que celles de mon cœur,
Où de sa main Amour nostre veinqueur
Vous a gravee, et vos graces parfaites.

Là voz vertus au vif y sont portraites,
Et voz beautez causes de ma langueur,
L'honnesteté, la douceur, la rigueur,
Et tous les biens et maux que vous me faites.

Là voz cheveux, vostre œil et vostre teint,
Et vostre front s'y monstre si bien peint,
Et vostre face y est si bien enclose,

Que tout est plein : il n’y a plus d’endroit
Qui ne soit vostre : et quand Amour voudroit,
Il ne pourroit y graver autre chose.

❧

Pour prolonger la lecture

Une sélection de poèmes choisis pour leur proximité de ton, de thème ou de voix.

À Marguerite Pierre de Ronsard Amour Mémoire Beauté J'ai l'âme de regrets touchée Pierre de Ronsard Amour Mémoire Mélancolie Bonjour mon coeur Pierre de Ronsard Amour Nature Solitude

Se laisser surprendre Laissez le hasard choisir un poème.

Explorez par affinité de thèmes, d’émotions, d’époque et de mouvement

❧