Dedans des Prez je vis une Dryade

de Pierre de Ronsard

Qui comme fleur s'assisoyt par les fleurs,
Et mignotoyt un chappeau de couleurs,
Echevelée en simple verdugade.

Des ce jour là ma raison fut malade,
Mon cuoeur pensif, mes yeulx chargez de pleurs,
Moy triste et lent : tel amas de douleurs
En ma franchise imprima son oeillade.

Là je senty dedans mes yeulx voller
Une doulx venin, qui se vint escouler
Au fond de lame : et depuis cest oultrage,

Comme un beau lis, au moys de Juin blessé
D'un ray trop chault, languist à chef baissé,
Je me consume au plus verd de mon age.

❧

Pour prolonger la lecture

Une sélection de poèmes choisis pour leur proximité de ton, de thème ou de voix.

Versons ces roses près ce vin Pierre de Ronsard Amour Nature Temps Jeanne chante Victor Hugo Amour Nature Mélancolie Bouquet Charles Le Goffic Amour Nature Nuit

Se laisser surprendre Laissez le hasard choisir un poème.

Explorez par affinité de thèmes, d’émotions, d’époque et de mouvement

❧